手術

11月12日原本約左見兒外科醫生, 但醫生10點打黎問可唔可以2點見, 因為有個原先安排左做手術既小朋友傷風, 有個空位可以俾小B做手術, 所以要早D見佢同解釋小B既情況!! JACK爸返左大陸做野, 我就叫左哥哥去一齊聽. 等到3點幾醫生出現……因為條腸有個良性瘤, 費事佢壓住條腸或其他腸, 塞住/疊腸/影響佢吸收, 所以建議做微創手術可以切除, 大約2個鐘完成, 頭4日會吊糖水, 之後可以食番奶. 但事出突然, 今日同你講明天去做手術, 有冇咁倉卒要決定呢, 最終我地決定唔做住, 再過排期做手術, 希望小B可以肥D先做手術, 小B而家得6磅. 唔知會唔會叫小B返屋企等排期呢?

最新消息, 小B今晚出院, 醫院只安排佢同兒外科覆診, 未幫佢排期做手術!