大 . 細心

心雅"6"到隻腳

11月7日, 好天, 今晚BBQ, 有CHRISTINE, KAREN, CATHY, CLAUDIA, JOEY, FRANKIE, JACK & JANET, 當然唔少得3個CUTE B (大心, 細心, 子領) !!燒左好多野食, 波羅, 海鮮............

心雅要食杯面,倒瀉滾水, 6親隻腳, 哭叫出來 !!

8月7日,心然妹妹近照

7月19日

咁就返工, 返左一個禮拜, 多野做就梗........

好攰, 1點瞓7點起身返工.......就黎要停奶, 哈哈

明天去產後檢查, 咁又六個禮拜

如火如荼

今日又去寶馬山HEA, 裝修如火如荼, 不過冇一個地方係完成......今個月要入去住, 哈哈

我接受唔到囉!

MIMI: 我接受唔到囉!

心雅: 我接唔到! (跟人口水尾, 但跟唔晒囉)

心然妹妹識得同人笑喇 !!

7月3日, 第一次同心然妹妹沖涼

第一次同心然妹妹沖涼, 第一次同心雅姐姐去寶馬山泳池玩水 !!

最後返屋企打邊爐!

就快返工

不經不覺, 產假快到尾聲, 有D唔想返工嘅感覺, 因為人係有惰性, 我又有2個可愛囡囡 (唔發難時) !!

6月23日, 攰死

咪咪攰到luck碌同冇啖好食 !

早餐: milk + oat bran flaks
午餐 迎囍, 百冇, 最終食油雞河.......難食!
下午茶: 朱古力窩夫
晚餐: 生菜 + 就過期腸仔 + 蒸隔夜大眼雞 + 外賣生炒骨 + 白飯 + 1:99磨菇湯 = 超無奈.......多謝爺爺放飛機.......要食個橙同萍果平衡返

零晨1點, 爺爺麻麻先返, 爸爸睇世界盃就返喇 ! 但兩個囡都剛剛瞓......

心雅同心然車輪戰, 玩咪咪玩到一點先瞓, 咪咪要pump完奶&洗完奶樽,2點先有得瞓

午夜戰況

現場報導昨晚12:30屋企情況:
JACK爸: 瞓咗
MIMI: 冇得瞓, 剛餵完心然妹妹食奶 (1:30等兩位公主瞓咗先有得瞓)
心雅姐姐: 睇緊ZIPPY, 未瞓得著, 同爺爺食排包+朱古力威化餅
心然妹妹: 食完奶, 瞓唔著, 要人抱住瞓
爺爺: 食完藥, 繼續食排包+朱古力威化餅
麻麻: 打麻雀未返 (今朝10:30先返)
CA姐: 睇世界杯未返
娜姐: 瞓咗

妹妹的第一次

妹妹的第一次
6月4日第一次去健康院, 甩臍帶
6月5日第一次去尖沙咀飲茶, 然後同心雅姐姐去圓方sir滑梯

十二朝

今日係細囡十二朝, 不過我地冇街去, 好大雨呀!

5月27日 - 5月30日

5月27日

食完KFC早餐去寶兒交PLAY GROUP學費, 老師問心雅昨天為什麼冇返學.........吓???阿娜話今個禮拜唔洗返, 6月2日先返, 老師話唔係今個禮拜要返, 下個禮拜唔洗返...........頂, 總之蝕左$$$

阿娜重打電話俾朋友, 昨天只有3個小朋友返學, 誰是誰非???

一陣出動餵奶!

5月29日影

5月30日, 出院喇 !!

5月26日, 餵奶 (2)

爸爸放飛機, 要等公司嘢, 所以咪咪一個去餵奶....... 細囡攪事, 飲成個鐘都唔醒, 飲得50ML重要唔計吐番出來果D.........好攰呀!

5月25日,餵奶(1)

今晚同爸爸去餵奶, 阿囡响到嘆世界, 成個鐘飲左50ML, 重要姑娘出手先肯飲

5月24日, 出院

係咪咪出院, BB未走得.

5月23日, 第一次見細囡

第一次見細囡, 唔知佢似邊果, 都唔心雅!!佢開始自殘!

5月22日小小B出世喇!

瞓瞓吓2點幾3點肚痛, 醒左, 阿囡你又好似你家姐半夜出世??
於是計時, 痛到4點半叫醒爸爸入醫院....淨係搭的士都痛左3次! 檢查完,開左3度, 已經可以落產房! 今次响10A房, 6點係到等, 7點聽到隔離房生產過程, 佢簡直想拆左張床, 當堂分散我注意力, 陣痛少左..........8點9點等等等到眼瞓, 護士再檢查都係開左3~4度, 佢話等陣幫我穿羊水, 陣痛會再密D! 當醫生仔整穿水, 我就痛死, 阿B都涌住出來, 護士即刻搵爸爸入去陪產!!

09:40 出世
2.76 KGS

最後等到上病房都11點, 12點半食飯, 5點半探監同開飯, 夜晚7點落床! 阿囡去左兒科6樓H22, 出世唔係好喊, 要觀察! 等左40週零5日, 我可以瞓番覺好!!

PS: 上次落產房已經開到8/9度, 半夜三更都冇人理, 痛死!

清靜

心雅跟左GRANDMA返舖頭,成屋靜晒成

早餐: 大快活雞扒煎蛋通粉,原本係公仔面,佢地又落錯左...
下午茶: 鮑魚面,阿娜傻左,煮2個面俾我食.....
下下午茶: 心雅食淨既波蘿包,搽牛油同花生醬油
晚餐: 應該又係點心皇

入院14小時

5月19日零晨3肚痛時入院, 5月19日下午5時冇肚痛出院, 真攪笑! 辛苦晒爸爸!

早餐: 醫院雞肉碎粥+梳打餅

午餐: CANTEEN 焗豬扒飯+可樂

下午茶: 爸爸愛心朱古力蛋糕+芝士蛋糕+咖啡+綠茶

香港公民出院價$150, 原價$3650

5月17日預產期到 !!

點解阿囡重唔出黎, 咪咪個肚好好住咩? 今朝去左健康院, 正常, 等運到

11/4/2009, 第12週, 53.8 KGS
2/11/2010, 第26週, 57.1 KGS
3/22, 第32週, 58.7 KGS
4/19, 第36週, 60 KGS
5/3, 第38週, 61.7 KGS
5/17, 第40週, 62.9 KGS

今日攞鎖匙

今日攞鎖匙, 不過冇我份去!

早餐: 麥當勞 X 2份, 飽到午餐都唔洗食
下午茶: 印尼公仔面+金菇+腸仔

蕃薯苗出事

晚飯食左d蕃薯苗, 瞓覺又攪住攪住, 瞓唔到, 到天光痾完一次先好d.........大肚婆都係唔好試!

5月11日, 爸爸唔知醒返工

爸爸偷懶唔返工, hea 左一日

5月10日,待產中+結婚三週年紀念=留响屋企

今日天陰落雨, 响屋企悶上加悶, 心雅午睡中, 不過係到碌來碌去, 就黎醒 ! 小小B又係個肚碌來碌去 ! 今晚要撇掉囡囡去TST行一陣街同爸爸食飯, SORRY!

5月9日, 母親節快樂

咁又一個禮拜, 小小B冇動靜出黎, 你就黎頂死你阿媽........ 之前等左大概一個禮拜心雅先出世, 我地唯有等等等等!

昨天照左超聲波, 大概有6磅. 都唔知食錯咩, 昨晚點幾2點先肚痛, 都唔知係肚呵定生得, 幾驚佢又半夜三更出世. 今朝都去左一次, 好好多!

一陣出去例行活動, 飲茶同去ELEMENT "SIR" 滑梯, 再返大埔食住家飯.

CINDY 姨姨5月7日去左日本流浪14日, 應該會瘦左返黎 (錢&体重)........睇下佢有咩買俾2個囡囡 ! 我幾時先有$返鄉下呢?

5月3日, 第一日唔駛返工, 好悶呀

昨天同BABA 去IFC睇 IRONMAN 2, 然後去食炸黑豚定食, YUMMY !

今朝去健康院檢查, 38週, 61.7KGS, 護士講重有D位再落........即係未生得啦! 下晝同心雅去沙田行街街, 又食佢最愛雪芭, 重去埋SNOOPY TOWN.

唔知明天有什麼可以做呢?

五一勞動節=產假第一日

今日一早去行公園, 食早餐, 再去飲茶

然後去EMAX行傢俬舖, 再返尖沙咀滬江飯店食晚飯. 心雅BB冇瞓過............而家就黎12點都未瞓, 我耍瞓LU, 電視做緊GOOD LUCK.

4月28日,重有兩日就開始放產假

東鐵停駛影響逾萬市民, 點解我係其中一個

下午去威爾斯聽TALK, 4點就去到一田,響果一道食下午茶. 之後SHOPPING......點之咁就出事

係沙田上火車, 未到火炭已經企左一個鐘, 只係得一個人讓座, 不過我冇坐, 不停原地踏步...........促進血液循環.

2010-01-21 23:07:00

港鐵東鐵線全綫停駛一小時，估計有一萬名市民受影響，港鐵車務主管蔡德贊對事件深表歉意。 蔡德贊解釋東鐵停駛一小時，是因為車務控制中心發現系統的數據傳送網絡出問題，不能發揮控制中心的功能，為了安全起見，港鐵將東鐵線全綫停駛，經工程人員緊急維修，系統重新修復，具體問題需詳細調查。

2010年,新開始

)P-