聖誕禮物, boxing day

黑超b衫仔係baba送麵包超人公仔係mama送
羊仔毛毯係joey送
長頸鹿口水肩係eugene送

古惑的小B

好耐冇見, 俾d新相大家睇啦! 小B開始古古惑惑, 有人同佢玩就會笑笑口, 扮晒野!

小B今日去健康院打針, 磅到有9磅呀, 一個月重左3磅....有進步! 打完針如果發燒就要食藥水, 用針筒食, 幾型!

好開心有麵包超人濕紙巾用!!

兩個BB

12月4日, 小B去左探堂弟

Movie

小B依家識同人玩+傻笑

小B堂弟

小b堂弟12月1日出世喇!

探望

11月17日有好多哥哥姐姐黎探我呀!!


http://picasaweb.google.com.tw/1310bb/Bb17112007

名分

11月20日做左一日shopping mama, 朝早返左polo因為sample sale. 晏晝飲埋茶行左一陣SOGO, 之後去沙田幫小B做出世紙, 俾個名分佢.

小B = 鄭心雅

第一次帶小B出街

Movie

11月14日, 我一個人一對手帶小B出街, 去健康院打乙型肝炎第二針……小B好危險呀! 小B出院個日醫院唔肯幫佢打埋, 所以我地要去一轉健康院!! 由2:30PM 玩到 5PM先返屋企, 幾個鐘抱住佢, 手都震埋. 第一次去重要填FORM, 單手抱住小B, 另一隻手填FORM, 最慘要填埋父母身分證中文編碼……幾多野響手!!!!! 個袋有支奶, 尿片, 濕紙巾, 好彩小B食飽先出去, 冇扭計, 返到屋企即刻開餐!

11月15日, 都係一個人帶小B去威爾斯兒科覆診, 話就話11:30AM, 結果我地係最尾果個, 1點先睇, 講兩句就走得, 鬼咩前幾日先出番黎, 都CHECK到咩事喇, 佢地會PASS俾小兒外科跟進, 所以唔駛再去兒科覆診!

手術

11月12日原本約左見兒外科醫生, 但醫生10點打黎問可唔可以2點見, 因為有個原先安排左做手術既小朋友傷風, 有個空位可以俾小B做手術, 所以要早D見佢同解釋小B既情況!! JACK爸返左大陸做野, 我就叫左哥哥去一齊聽. 等到3點幾醫生出現……因為條腸有個良性瘤, 費事佢壓住條腸或其他腸, 塞住/疊腸/影響佢吸收, 所以建議做微創手術可以切除, 大約2個鐘完成, 頭4日會吊糖水, 之後可以食番奶. 但事出突然, 今日同你講明天去做手術, 有冇咁倉卒要決定呢, 最終我地決定唔做住, 再過排期做手術, 希望小B可以肥D先做手術, 小B而家得6磅. 唔知會唔會叫小B返屋企等排期呢?

最新消息, 小B今晚出院, 醫院只安排佢同兒外科覆診, 未幫佢排期做手術!

沙田IVE

前幾日探完小B, 返左沙田IVE, 遲左一年先領取既畢業證書!! 哈哈!應該全班得我一個未拎~ 間學校經過翻新變左好多, 正門/演講室/圖書館/運動場……詢問處個亞姐問我course code, 鬼記得咩, 之後又問我有冇帶學生證, 都畢左業成年, 重帶住你張學生證有寶咩! 卒之咪又係搵到~~

小B去左威爾斯渡假

11月5日, 小B入威爾斯渡假. 因為佢之前一日嘔左4次奶, 食完就嘔返1/3出黎又發晒”monk”憎, 喊左一晚唔訓, 以防萬一就帶左佢去急症. 咁我地一家人就休息左一個禮拜, 有覺好訓再迎接佢歸來!! 11月7日護士叫我帶定衫, 可能小B會今日出院, 點之搵我笨, 都未走得! 照完超聲波, 小B個肚右下方有”POP POP”要再睇兒外科, 星期一要見醫生, 聽下佢講解!
奸笑!訓得幾型!

坐月食d乜??

我依個月食得最多既就係木耳蒸雞, 蒸雞飯, 冬菇蒸肉餅......

小B出世第二日

小B出世第二日

小B近照

小B & 小羊, 好似失散既一樣!

我同小B見得人既近照

11月5日, 小B去威爾斯渡假前既造形

萬聖節, 小B出院喇!

小B出院喇! 好忙呀! 不斷洗奶瓶, 餵奶+換片……總之冇時間做自己野啦(功課, update blog, 出街).

10/31萬聖節, 原定計劃出尖沙咀飲茶, 然後返POLO送薑醋, 再諗住去行街買衫俾自己(冇冬天衫+天氣開始涼), 最後去醫院餵奶! 但係朝早一個電話就將我成盤計劃打亂, 護士打黎話小B可以出院了, 問我幾時去帶佢走, 咁我就話7 OR 8點, 等埋JACK放工先, 因為重有D立雜野要帶返去! 最後5:30pm去到醫院辦手續, 費事小B咁晏返WOR… 小B出院時有2.25kgs

我諗依個BLOG好快會日久失修……

叻媽抱小B

尋找小B大行動

今日已經10月30日先開始涼涼地~

護士話外科醫生批小B出院, 但兒科醫生就要佢夠秤先可以出院. 1:30pm我走既時侯小B就開始”口mark mark”, 想食野, 但要2:00點有得食, 我費事等到2:00pm或者2:30pm等d護士換完班先餵奶, 最終我都係走左. 今晚先再去餵!!

夜晚又去搵小B, 但去到唔見左佢, D護士話佢搬左去7B, 於是我地上左一層尋找小B大行動……經過”一倫鳶讓”終於搵到小B, 佢而家響B2床!

依煲響屋企既薑醋只係冰山一角~

JACK表演餵奶, 小B表演食奶

攝於10月29日晚, 經過14日冇餵奶既日子

餵奶

今日終於冇煙霞喇~

6pm 響沙田做左個facial, 7點半去到醫院餵奶! 小B開頭訓緊, 之後我地整醒佢餵奶(8pm), 佢眼仔睩睩咁望住我地, jack係嬸嬸指導o下餵左一個鐘好~~ 小B食完重”柯”埋tim, 所以我地要同佢換片片!

好耐冇讀過NOTES, 完全放低晒, 你估我會唔會明天返學呢?

Happy Sunday!

多謝大家咁關心小B, 雖然佢未出得院, 但小B今日已經唔駛訓箱喇, 連check心跳既機都拆埋……可以訓番普通既”dull dull”, 今日佢訓得非常舒服, 攪極都唔醒. 護士話小B可以食到40ml, 遲d可能唔駛打針tim, 小B有2.25kgs

小B阿娑帶左太婆煲既當歸竹絲雞湯黎大埔俾我飲, 好補!

小B張床切好喇!

今日去睇小B, 佢喊足半個鐘, 佢唔駛吊葡萄糖水喇, 可以係肚餓, 所以勁喊! 我地臨走時, 護士問我地餵唔餵奶, 緊係唔餵啦, 費事佢又嘔, 如果我地自己餵d護士咪做少d野lor!! Just kidding! 小B有2.195kgs.

然後去左又一城食brunch+行街.

小B張床切好喇!

10月26日, 晴+煙霞, 小B爺爺生日

昨天早上我去送奶俾小B, 佢俾人扎住隻手仔, 冇得r面1日冇咁紅喇, 當堂塊面靚晒,!! 朝早見佢重有駁住條喉住個口, 夜晚小B爸爸去睇佢, 護士已經拿掉條喉, 小B就舒服晒. 小B食左2日奶10ml, 昨日會加至20ml一餐......正常出世第一日既B係食30ml一餐, 然後每日加10ml. 小B重2.19 kgs

晏晝去太和飲茶, 之後去沙田新城市陪小B爺爺買野. 夜晚去林村睇人地鋸扒, 我唔食得牛住……

小B張床, 未裝配前, 長頸鹿被困籠內……哈哈!

10月8日至23日的回憶

好!回顧產假第一日開始既生活, 因為有d人未睇過我msn既blog. 有心理準備, 好長架!!

有70日產假, 點過呢?
今日10月8日, 第一日正式放產假 (但我上星期五已經開始放假, 我請左sick leave 去健康院檢驗 )

今朝11點先識省, 開電腦, 開個blog先啦…唔係點同外界keep contact呀!
電視又冇野睇, 咁睇下seminar既case study, 都10頁o架, 應該可以消磨一個下晝! 我會盡量係到update大家我既生活點滴!

如果有好名就話俾我聽lu wor!!

10月9日, 晴

昨天整日呆在家中, 冇出過街, 悶死左, 睇左份唔明既case study, 睇左唔好笑既"詹瑞文單人匹馬棟篤笑"

今日10點半起身, 申請左落街食野. 12點落左銀行入票(退稅), 百幾蚊都好過冇. 然後去”學利”食魚片炸墨魚丸河, 之後買左的”拾”星野及面包返屋企. 今晚有學返!!6點出發!

原來用來喂人奶既brabra價錢分別好大, 可以由$30 (舖仔) ~ 接近$300(荷花) 都有, 分分鐘重貴過平時買果d……………

致各界有好, 唔洗送bb衫俾阿b，已經有好多，起碼頭三個月都有衫著！

以下台灣web site講日本旅行, 可以參考下:
http://www.partake.com.tw/index_1.php

10月10日, 晴

又話3~5點送bb床, 點之12點就送左黎, d送貨部同運輸可唔可以配合得好d呢?

勁無聊, 電視成日都係做施政報告及雙十節既新聞, 冇眼睇!

3點3去左大家樂食豬扒包+雞翼+好立克. 因為阿sir/功課??關係開多一個blog, 得個”吉殼”, 唔知有咩用 (我上個禮拜冇返), 總之開左先啦!

最終今日睇左”櫻桃小丸子-真人版” & “Engine-特別版” & “HERO-特別版全一回木村拓哉+綾瀨遙”.

10月11日, 陰天, 等待!!

呢幾日都係差不多一點”訓”, 十一點先起身, 然後唔之做咩!

變態ga, 29000點, 係咪咁好景呀!

返學lu!

10月12日, 晴

11號晚, 原本出去返學, 但最終又冇返學,點解? 因為正當我想出門口既時間, 好似有少許出血現象, 擔心會唔會返番下肚痛, 所以咪冇返lor!! 後來重睇左SMAP x SMAP(來賓_交響情人夢,上野樹里&玉木宏). 之後食飯沖涼, 等人地返黎先同我入醫院 (人地去左飲野)

結果, 12號零晨先入醫院, 攪到2點幾先叫人地返屋企訓, 我就成晚響醫院冇覺好訓, 因為有d人痛到喊晒, 張床又凹. 剛剛訓著, 無啦啦又有人叫醒你食探熱, 量血壓同早餐, 當時只不過係6:55am……人都癲, 7點食早餐!

早餐: 免治豬肉粥 (好咸) +芝麻梳打餅乾
午餐: 唔記得, 人地買左豬扒湯檬+凍檬梳打俾我食
晚餐: 唔記得

夜晚8點幾9點開始FEEL到咩叫陣痛, 20分鐘一次. 10點幾就10分鐘一次, 12點幾就5分鐘一次, 2點幾就3分鐘一次……當時我已經同護士講, 佢叫我PACK返D行李同換衫再等下. 3點流左一pat血, 護士重話係咁既, 換多條衛生巾……頂!真係痛到行唔郁, 要係人地床尾企下再爬返上床…我覺得姑娘唔記得有我既存在, 因為我訓響最遠既窗口位 (7E ,16號床), 所以我都要叫o下. 終於有護士黎望我喇, 一check就已經叫我過床可以推落六樓產房……

10月13日, 晴

零晨3點50分, 開始生喇……d助產士係咁叫你’柯’……恐嚇我阿B再唔出到黎就有危險……最終20分鐘後, 小B零晨4:09出世, 2.33KGS. 小B喊得好大聲, 我就冇晒力, 對腳就不停咁震震震, 護士問我打唔打電話俾屋企人, 都冇力講啦. 之後就等醫生同我縫傷口, 一等就等到5點醫生先蒲頭, 響等緊既時間4:40am就打左個電話俾jack, 話俾佢知小B出左世. 小B血糖低, 送左去7B 45號床觀察, 去之前就俾爸爸睇左一眼, 6am就推左我去女病房7F 11號床, 又係窗口位, JACK可以返屋企訓. 護士話晏晝2點先落得床, 叫我訓下, 梗係訓, 之前都冇訓過……好景不常, 又係早餐既時候, 同房既病人重去開電視, 又有阿姐叫你食早餐……我邊起到身食呀, 冇力唔郁得&暈暈地. 發呆至9am, 食左2條朱古力條頂住先, 睇雜誌, 12:30pm食lunch, 好肚餓. 1:30pm落得床. 3:30pm去睇小B. 5pm再去睇小B同餵奶, 我地玩左2個鐘(影相+餵奶) 小B都係訓, 冇食, 漏晒落紙巾……

早餐: 冇力食, 唔知什麼粥+芝麻梳打餅乾
午餐: 豉油黃豆汁雞全脾+菜+飯+橙 (最好食係依餐, 正正常常)
晚餐: 洋蔥肉片+翠玉瓜+飯, 冇食醫院果d飯, 食左住家飯, 雞+菜心+飯
到11點訓覺到天光, 因為唔係產科病房, 所以冇咁嘈!

10月14日, 晴

例牌7點探熱量血壓同派早餐, 8點醫生巡房, 9:30am大姨帶左飯+蒸豬肉+薑炒叉燒, 10:30am去探小B同餵奶, 又玩左2個鐘, 餵奶失敗. 12:30pm先返房食LUNCH.

1:40pm 可以同小B重聚, 小B check 完血糖放番出黎, 我地一齊搬去8E 20號床 (小B會放係我隔離床). 3pm都係餵唔到佢食奶, 由阿姐餵! 5:30pm 至 8:30pm 有好多人 (15人) 黎睇小B, 影左D相.
但係小B冇啦啦食完奶嘔ｄ黃綠物體出返黎, 所以夜晚8:30就捉左佢去兒科7B住. 我地又要分開喇!!! 咁11點就訓啦……訓到半夜唔知幾點, 而隔離D巨嬰, 一個7磅, 一個9磅, 肚餓就開始喊, 護士又唔肯比奶佢地阿媽餵, 我就冇得訓……
早餐: 雪菜碎豬粥 (唔食得) +芝麻梳打餅乾
午餐: 草菇蟹柳蛋花雞柳 (一pat野) +菜+飯+橙
晚餐: 冇食醫院既冰梅醬蒸肉粒 (好怪) +菜+飯, 食左私伙阿娑薑炒飯+梅姨既雞

四代同堂, 小B太娑同阿娑, JANET負責影相

10月15日, 晴

7:30am起身探熱量血壓同派早餐, 8:30am睇帶教餵奶+沖涼, 成朝TVB就做中共十七大現場直播, 你唔悶死就奇! 12點醫生巡房, 由於我冇什麼異樣, 醫生俾我出院, 正! 1點聽埋產後講座就可以辦出院手續.
早餐: 碎冬菇魚蓉粥 (唔食得) +芝麻梳打餅乾
午餐: 粟米白汁肉粒 (一pat野) +菜+飯+橙

兒科要抽我D血驗, 咁2:30pm探埋搬左去6A 18號床既小B先出院, 小B要吊緊葡萄糖水&抗生素, 個口駁住條喉等d嘔吐物留流出檢驗, 今日先知造影佈告結果…

晏晝4點返到屋企, 我偷偷地沖涼響jack & baba出去買菜時沖左涼但冇洗頭, 舒服晒........

10月16日, 晴+煙霞, 休養!

幾日冇update 個blog, 因為我走左去威爾斯醫院生bb呀!!

昨天我健康地出院喇, 但小B就要好慘咁留院觀察(因為嘔吐物係黃綠色). 小B應該重要留多唔知幾多日係醫院, 好在有醫生/護士睇住, 又有人餵奶幾好呀, 可以養肥d先返屋企.

小B出世血糖低(不過check完冇事lu) 要佢觀察左一日先俾返我. 我地響佢觀察期間去探佢, 學點餵奶, 但我地餵成個鐘阿B都唔肯食淨係識訓, 流晒落張tissue度. 姑娘都頂我地唔順, 抱返阿B黎餵.

今日度左條腰, 重有35吋(生之前有38~39吋) & 120 lbs (54 kgs). 減番十幾廿磅就差不多, 哈哈
而家整理緊過去幾日係醫院既情況, 希望可以早日同大家分享啦!

10月17日, 晴, 谷奶

昨日開始谷奶, 夜晚訓覺真係會漏架wor, 個胸痛痛地 , 所以今朝好早就醒左.

11點申請到permit 出街, 去左吉之島買泵奶器, 睇下可唔可以泵定d出黎, 等小B出院先食. 下午一點半食完lunch 木耳蒸雞飯. 開始蒸奶瓶&泵奶器, 我都係第一次用, 要睇說明書!

等緊機會沖涼洗頭, 4日冇洗頭, 個頭爛喇!

終於有機會沖涼, 3點幾阿baba話落街散步……哈哈……正……正當我沖沖o下既時間佢突然折返, 問我有冇野買 ……結果俾人發現左我沖涼, 唔知今晚會唔會俾人哦呢??
之後試用泵奶器, 泵左一個鐘, 只係泵左10ml. 倒左去又唔係, 冰起佢又唔係, 得果幾滴, 又唔可以一路儲起!!! 咁好易餓死小B架wor, 夜d再試啦!

10月18日, 晴+煙霞, 小B做手術

由於醫生要見我地, 我今朝去左睇小B呀! 兒科外科-繆醫生講解小B情況, 小B重係嘔緊d綠色膽液出黎, 昨天收集左共101 ml, 對BB 黎講係多. 佢話小B條腸冇疊住, 現懷疑係先天性巨結腸症 (類似條腸有O的地方塞左, 所以食完的野排唔澈出去, 所以嘔奶). 醫生叫我地簽字做手術, 抽d腸組織化驗, 有個快d既佈告晏晝大約4點出, 另一個詳細既要幾日後先知. 如果真係有事就要做手術………

11:30AM 返到屋企, 之後食飯. 好倦呀…2:30pm先泵奶, 又玩左個幾鐘, 經過昨晚泵多次先有覺好訓, 多左少少奶, 有20ml……

4點喇, 上床碌o下, 訓左1個鐘, SO TIRED! 6:15PM~7:00PM泵多次奶, 腰酸背痛. 醫院重未有電話黎………等……

10月19日, 晴+煙霞, 重陽節

昨晚正當開飯既時間, jack去洗手, 點知洗手盤冇啦啦爆水喉……成廁所都係水, 四圍搵水制都唔知響邊到關洗手盤制, 要打落管理處叫人地關大制……十點幾…真濕擠!

今日冇去拜山, 起身泵完奶, 去左睇小B, 哈哈有30ml. 小B個報告出左喇, 姑娘話d腸組織無問題, 唔係巨結腸症, 唔駛做手術住, 咁都要再睇睇詳細報告. 今朝小B冇嘔綠色野, 嘔白泡……哈哈

之後去同大姨,阿妹飲茶. 我只係可以食叉燒飯. 然後再去新城市街街, 睇BB車…下午茶!

今日有得沖涼, 正!

10月20日, 晴+煙霞, 小B拆喉喇

今日係小B出世第7日, 佢終於唔駛插住條喉係個嘴, 佢唔駛咁辛苦lu. 姑娘話小B可能可以響這2 天餵番奶. 小B得留2.11kgs (4.65 lbs), 希望佢唔好再嘔喇, 可以吸收多d. 我地唔記得帶尿片去探小B, 所以去左愉翠苑飲茶同買尿片, 屋企的存貨要再keep多一陣……
點解d人會睇唔到我msn個blog呢?? 我set錯什麼呢~

10月21日, 晴+煙霞

今朝泵到70ml呀, 勁呀! 去完潮江春飲茶, 又去探小B, 姑娘話小B可以明天食番奶, 好野!!! 所以問左姑娘要3個奶瓶, 咁泵出黎既奶就可以帶比小B食, 一瓶暫存30ml就可以. 姑娘叫我地買奶嘴, 等小B冇得食都有奶嘴, 唔駛喊得咁慘, 但之前都冇人話個佢勁喊……小B wt 2.125kgs, 幫小B影左幾張相.

諗住去西田買BB車, 但冇貨, 慳番!

10月22日, 晴+煙霞

人地話唔知係咪我大住個肚去睇史力加, 所以小B嘔綠色野!! 哈哈!! 小B食番奶, 但姑娘話佢都係唔係幾食, 可能有陰影!

而家可以明正言順沖涼洗頭, 唔駛偷偷摸摸, 爽!

10月23日, 晴+煙霞, 行程緊密

今早jack去睇醫生, 所以今日我做送奶妹! 昨晚阿姑娘點幾2點打電話黎, 話小B手腳都腫 (之前的針孔), 問我地批唔批准插頭皮做靜脈注射, 俾佢嚇鬼死, 咁夜以為有咩事! 而家會餵奶俾小B加靜脈注射, 因為小B都係好難餵同食好少!

送完奶返屋企就要泵奶, 之後小睡1個鐘又要泵, 行程緊密!
成個禮拜都有煙霞, 所有野都係濛………幾時先可以睇清楚呢?

睇住幾張小B相先喇!

10月13日小B出世喇!

出世第二日, 自己R爛塊面

JACK手 & 小B

搬遷大行動

10月24日, 晴

今日我又去送奶 (已雪到變冰奶), 但係5支淨係收得1支定2支, 因為其他已經溶緊……點解? 因為我陪左老爺同奶奶飲茶lor, 飲左1個鐘都唔夠, 難得老爺肯出街! 點之個冰箱唔多掂, 我以後唔敢喇, 費事小B冇奶食……小B冇左一忽頭髮呀, 因為佢要響頭皮做靜脈注射, 今日就轉為手臂, haha, 比護士扎住隻手仔, 冇得r面!! 重有小B條臍帶已經唔見左lu, yeah!

返到屋企冇人wor, 非常出奇, 原來老爺再出埋尖沙咀飲第二餐茶, 勁呀! 泵完奶之後就開始搬blog大行動, 太多人話睇唔到我MSN個BLOG, SO再開多個lor.